Description

ಗಂಗಮ್ಮನ ಬಾಳಿಗೆ ಬೆಳಕು ತಂದಿದ್ದು ಆಕೆಯ ಏಕೈಕ ಮಗ ರವಿ. ಚಿಕ್ಕಂದಿನಲ್ಲಿಯೇ ಗಂಡನನ್ನು ಕಳೆದುಕೊಂಡ ಅವಳಿಗೆ, ರವಿಯೇ ಬದುಕು. ಹಗಲು ರಾತ್ರಿ ದುಡಿದು, ಕಷ್ಟಪಟ್ಟು ಅವನನ್ನು ಓದಿಸಿದಳು. ಆಕೆಯ ಆಸೆ ಒಂದೇ, ತನ್ನ ಮಗ ದೊಡ್ಡ ಅಧಿಕಾರಿಯಾಗಬೇಕು. ಅವಳು ನಂಬಿದ್ದಳು, ಶಿಕ್ಷಣವೊಂದೇ ಬಡತನದ ಬಂಧನವನ್ನು ಕಳಚುವ ಸಾಧನವೆಂದು. ರವಿ ಕೂಡ ಅಷ್ಟೇ ಬುದ್ಧಿವಂತ. ತಾಯಿಯ ಕಷ್ಟವನ್ನು ಅರಿತವನು, ಅವಳ ಕನಸನ್ನು ನನಸು ಮಾಡಲು ಅವಿರತವಾಗಿ ಶ್ರಮಿಸಿದ. ​ಅಂತೂ ರವಿ ಓದು ಮುಗಿಸಿ, ದೊಡ್ಡ ಕಂಪನಿಯೊಂದರಲ್ಲಿ ಒಳ್ಳೆ ಸಂಬಳದ ನೌಕರಿ ಗಳಿಸಿದ. ಗಂಗಮ್ಮನ ಸಂತೋಷಕ್ಕೆ ಪಾರವೇ ಇರಲಿಲ್ಲ. ತಾನು ಕಂಡ ಕನಸು ನನಸಾಗಿದ್ದಕ್ಕೆ ಆಕೆ ಕಣ್ಣು ತುಂಬಿ ಬಂದಿತ್ತು. ರವಿ, ತಾಯಿಯನ್ನು ತನ್ನೂಂದಿಗೆ ನಗರಕ್ಕೆ ಕರೆದೊಯ್ಯಲು ನಿರ್ಧರಿಸಿದ. ಆದರೆ ಗಂಗಮ್ಮ ತನ್ನ ಹುಟ್ಟೂರನ್ನು ಬಿಟ್ಟು ಬರಲು ಮನಸ್ಸು ಮಾಡಲಿಲ್ಲ. ಅವಳು ರವಿಗೆ, ನನ್ನ ಬದುಕಿನ ಕನಸು, ನೀನು ದೊಡ್ಡವನಾಗಬೇಕು ಅನ್ನೋದು. ಅದು ಈಡೇರಿದೆ. ಈಗ ನೀನು ನಿನ್ನದೇ ಆದ ಬದುಕು ಕಟ್ಟಿಕೋ. ನನಗೆ