ಹಂಪೆಯ ಪವಿತ್ರ ತುಂಗಭದ್ರೆಯ ತಟದಲ್ಲಿ, ಸಂಗೀತದ ಕಂಬಗಳ ಸಾಕ್ಷಿಯಾಗಿ ತನ್ನ ಧ್ವನಿಯನ್ನು ಮರಳಿ ಪಡೆದ ಆದರ್ಶ್, ಈಗ ಹೊಸ ಚೈತನ್ಯ ಮತ್ತು ದಿವ್ಯ ಶಕ್ತಿಯೊಂದಿಗೆ ಉತ್ತರ ಕರ್ನಾಟಕದ ಬಿಸಿಲ ನಗರಿ ವಿಜಯಪುರದತ್ತ ತನ್ನ ಹಳೆಯ ಹೆಚ್.ಎಫ್ ಡಿಲಕ್ಸ್ ಬೈಕ್ ಚಲಾಯಿಸಿದನು. ರಶ್ಮಿ ಅವನ ಬೆನ್ನಿಗೆ ಒರಗಿ, ಮೌನವಾಗಿ ಪ್ರಾರ್ಥಿಸುತ್ತಾ ಕುಳಿತಿದ್ದಳು. ಅವಳ ಹಸ್ತದಲ್ಲಿದ್ದ ಆ ಸುವರ್ಣ ಲೇಖನಿಯು ಈಗ ಹಂಪೆಯಲ್ಲಿ ಸಿಕ್ಕ ಅಶ್ವತ್ಥಾಮನ ರಹಸ್ಯ ಗ್ರಂಥದ ಸಂಪರ್ಕದಿಂದಾಗಿ ಒಂದು ವಿಚಿತ್ರವಾದ ಕಡು ನೀಲಿ ಬೆಳಕನ್ನು ಹೊರಸೂಸುತ್ತಿತ್ತು.  ಅದು ಹತ್ತಿರವಿರುವ ಯಾವುದೋ ಪಾರಲೌಕಿಕ ಶಕ್ತಿಯ ಇರುವಿಕೆಯನ್ನು ಸಾರುತ್ತಿತ್ತು. ಅವರು ವಿಶ್ವವಿಖ್ಯಾತ ಗೋಲ ಗುಮ್ಮಟದ ಬೃಹತ್ ಆವರಣವನ್ನು ಪ್ರವೇಶಿಸುವಾಗ ಸೂರ್ಯ ಕ್ಷಿತಿಜದಲ್ಲಿ ಮುಳುಗಿ, ರಕ್ತವರ್ಣದ ಕತ್ತಲೆ ಇಡೀ ಇತಿಹಾಸದ ಸ್ಮಾರಕಗಳನ್ನು ಆವರಿಸುತ್ತಿತ್ತು. ಆ ಬೃಹತ್ ಗುಮ್ಮಟವು ರಾತ್ರಿಯ ಆಕಾಶದಲ್ಲಿ ಯಾವುದೋ ದೈತ್ಯಾಕಾರದ ತಲೆಬುರುಡೆಯಂತೆ ಭೀಕರವಾಗಿ ಕಾಣುತ್ತಿತ್ತು.ಆದರ್ಶ್, ಇಲ್ಲಿನ ಗಾಳಿಯೂ ಸಹ ಯಾವುದೋ ಹಳೆಯ ಕಾಲದ ರಹಸ್ಯಗಳನ್ನು ನಮ್ಮ ಕಿವಿಯಲ್ಲಿ ಪಿಸುಗುಟ್ಟುತ್ತಿರುವಂತೆ ಅನ್ನಿಸುತ್ತಿದೆ. ಈ ಬೃಹತ್