ರಾಕ್ಷಸ ತಾಲ್‌ನ ಕರಾಳ ಅಲೆಗಳಿಂದ ಸಂಹಾರಕ ಶಕ್ತಿಯನ್ನು ಪಡೆದ ನಂತರ, ಆದರ್ಶ್ ತನ್ನ ಹಳೆಯ ಹೆಚ್.ಎಫ್ ಡಿಲಕ್ಸ್ ಬೈಕ್‌ನಲ್ಲಿ ರಶ್ಮಿಯನ್ನು ಕೂರಿಸಿಕೊಂಡು ಹಿಮದ ಬಿರುಗಾಳಿಯನ್ನು ಸೀಳುತ್ತಾ ಕೈಲಾಸ ಪರ್ವತದ ಪಾದದಡಿಯಲ್ಲಿರುವ ಪವಿತ್ರ 'ಯಮ ದ್ವಾರವನ್ನು ತಲುಪಿದನು. ಈ ದ್ವಾರವು ಕಲ್ಲಿನಿಂದ ಕೆತ್ತಲಾದ ಒಂದು ಬೃಹತ್ ಕಮಾನು ಪುರಾಣಗಳ ಪ್ರಕಾರ ಇದು ಮೃತ್ಯುವಿನ ದೇವತೆಯಾದ ಯಮಧರ್ಮರಾಜನ ಬಾಗಿಲು. ಇಲ್ಲಿನ ಗಾಳಿಯು ಎಷ್ಟು ನಿಗೂಢವಾಗಿದೆಯೆಂದರೆ, ಅಲ್ಲಿ ಪ್ರತಿ ಸೆಕೆಂಡೂ ಒಂದು ಯುಗದಂತೆ ಭಾಸವಾಗುತ್ತಿತ್ತು ಮತ್ತು ಪ್ರತಿ ಉಸಿರೂ ಸಾವಿನ ಪಿಸುಮಾತಿನಂತೆ ಕೇಳಿಸುತ್ತಿತ್ತು. ಆದರ್ಶ್‌ನ ಸುವರ್ಣ ಲೇಖನಿಗೆ ಅಳವಡಿಸಲಾಗಿದ್ದ ಆ ಕಪ್ಪು ಚಂದ್ರಕಾಂತ ಶಿಲೆಯ ಖಡ್ಗವು ಈಗ ಕಡು ಕಪ್ಪು ಬೆಳಕನ್ನು ಹೊರಸೂಸತೊಡಗಿತು. ಅದು ಕಾಲದ ಅಂತ್ಯದ ಭೀಕರ ಮುನ್ಸೂಚನೆಯನ್ನು ನೀಡುತ್ತಿತ್ತು.ಆದರ್ಶ್, ಈ ಕಲ್ಲಿನ ಬಾಗಿಲನ್ನು ದಾಟಿದರೆ ನಾವು ಮನುಷ್ಯ ಲೋಕದಿಂದ ಶಾಶ್ವತವಾಗಿ ದೂರವಾಗುತ್ತೇವೆಯೇ? ಇಲ್ಲಿನ ಮೌನದಲ್ಲಿ ನನ್ನ ಹೃದಯ ಬಡಿತವೇ ನನಗೆ ಕೇಳಿಸುತ್ತಿಲ್ಲ. ಈ ಯಮ ದ್ವಾರದ ಆಚೆ ಅಶ್ವತ್ಥಾಮನು ನಮಗಾಗಿ ಯಾವ ಮೃತ್ಯುವಿನ