Description

ಕುಡ್ಲದ ಮಂಗಳೂರು ಸೆಂಟ್ರಲ್ ರೈಲ್ವೇ ಸ್ಟೇಷನ್‌ದ ಕಡೆತ ಪ್ಲಾಟ್‌ಫಾರ್ಮ್‌ಡ್ ರಾತ್ರೆ ಪತ್ತಿರಡ್ಡ್ ಗಂಟೆ ಕರಿದಿತ್ತ್ಂಡ್. ಅರಬ್ಬಿ ಕಡಲ್‌ದ ಕಡೆಡ್ದ್ ಬೀಸುನ ಉಪ್ಪು ಗಾಳಿ ಜೋರಾದ್ ಬರ್ತೊಂದು ಇತ್ತ್ಂಡ್. ಪರ ಕಲ್ನಾರಿನ ಶೀಟುಲೆಡ್ದ್ ಜಿಮಿಟ್‌ದ್ ಬೂರುನ ಬರ್ಸದ ನೀರ್ ಸಿಮೆಂಟ್ ನೆಲಟ್ಟ್ ಕೆದುತ ಲೆಕ್ಕ ಮುಟ್ಟುದಿತ್ತ್ಂಡ್. ಆ ಮೈ ಕೊರೆಪುನ ಚಳಿಟ್ಟ್, ಕೊಳೆ ಆಯಿನ ಕುಂಟು ಪಾಡ್ದ್ ಇತ್ತಿನ ಪರ ಈರಪ್ಪೆ ತನ್ನ ಕಸ ಗುಡಿಸಾವುನ ಪೊರಕೆಡ್ ಹಳಿತ್ತ್ ಬರ್ಸದ ನೀರ್ನ ನಡುಟ್ಟೇ ಗುಡಿಸಾವೊಂದು ಇತ್ತೆ.ಹಳಿತ್ತ ಬರಿತ ಕಾಂಕ್ರೀಟ್ ಬೆಂಚ್‌ದ ಅಡಿಟ್ ಪೊರಕೆ ಸಿಕ್ಕಿದ್ ಉಂತ್‌ನಗ, ಈರಪ್ಪೆ ತಗ್ಗ್‌ದ್ ತೂಯೆ. ಅಲ್ಪ ಧೂಳು ಕಂತುದು, ಬರ್ಸದ ನೀರ್ ಬೂರ್ದು ಒಂತೆ ತೊಯಿತ್‌ನ ಕಪ್ಪು ಚರ್ಮದ ಬ್ಯಾಗ್ ತಿಕ್ಕ್‌ಂಡ್. ಸ್ಟೇಷನ್‌ಡ್ ಅನಾಥ ಬ್ಯಾಗ್ ತೂಂಡ ಪೊಲೀಸೆರೆಗ್ ಪನ್ಪುನವೇ ನಿಯಮ. ಆಂಡ ಬಂಜಿದ ಪಸಿಟ್ ಇತ್ತಿನ ಈರಪ್ಪಗ್, ಬ್ಯಾಗ್‌ದ ಉಲಯಿ ತಿನ್ಯರೆ ದಾದಾಂಡಲಾ ಉಂಡೇನೋ ಪನ್ಪಿನ ಒಂಜಿ ಆಸೆ ಬತ್ತ್ಂಡ್. ಆತ ಮುಟ್ಟ ಮುತ್ತ ತೂದು