ಬೆಂಗಳೂರಿನ ಹೊರವಲಯದ ಗುಡ್ಡಗಾಡು ಪ್ರದೇಶದಲ್ಲಿದ್ದ ಅದ್ವೈತ ಲ್ಯಾಬ್ಸ್ ಒಂದು ನಿಗೂಢ ಕೋಟೆಯಂತೆ ಕಾಣುತ್ತಿತ್ತು. ಅಲ್ಲಿನ ಮುಖ್ಯ ವಿಜ್ಞಾನಿ ರಾಜೀವ್ ಕಳೆದ ಐದು ವರ್ಷಗಳಿಂದ ಜಗತ್ತಿನ ಕಣ್ಣಿಗೆ ಬಿದ್ದಿರಲಿಲ್ಲ. ಅವನ ಗುರಿ ಒಂದೇ ಕ್ವಾಂಟಮ್ ನ್ಯೂರಲ್ ಬ್ರಿಡ್ಜ್ ನಿರ್ಮಿಸುವುದು. ಅಂದರೆ ಮನುಷ್ಯನ ಪ್ರಜ್ಞೆಯನ್ನು ಕೇವಲ ಡೇಟಾ ಆಗಿ ಪರಿವರ್ತಿಸಿ, ಅದನ್ನು ಕಾಲದ ಅಲೆಗಳ ಮೇಲೆ ತೇಲಿ ಬಿಡುವುದು. ಅಂದು ರಾತ್ರಿ ಮಳೆ ಸುರಿಯುತ್ತಿತ್ತು. ಆರ್ಯನ್ ತಾನು ನಿರ್ಮಿಸಿದ ಕ್ರೋನೋಸ್ ಯಂತ್ರದ ಒಳಗೆ ಕುಳಿತಿದ್ದ. ಅವನ ತಲೆಗೆ ನೂರಾರು ಸೆನ್ಸರ್ ಕಿರಣಗಳನ್ನು ಜೋಡಿಸಲಾಗಿತ್ತು. ಪ್ರಕ್ರಿಯೆ ಆರಂಭಿಸಿ ಎಂದು ತನ್ನ ಅಸಿಸ್ಟೆಂಟ್ ಮೀರಾಗೆ ಆಜ್ಞಾಪಿಸಿದ. ಯಂತ್ರವು ನಿಧಾನವಾಗಿ ಗುಂಯ್ ಎಂದು ಸದ್ದು ಮಾಡಲು ಶುರು ಮಾಡಿತು. ಸೂಪರ್ ಕಂಪ್ಯೂಟರ್ಗಳ ಪರದೆಯ ಮೇಲೆ ಗ್ರಾಫ್ಗಳು ಏರುಪೇರಾದವು. ಇದ್ದಕ್ಕಿದ್ದಂತೆ ಲ್ಯಾಬ್ನ ವೋಲ್ಟೇಜ್ ಏರಿತು. ಸರ್, ಎನರ್ಜಿ ಲೆವೆಲ್ ಹತೋಟಿ ತಪ್ಪುತ್ತಿದೆ ಕೆಪಾಸಿಟರ್ಗಳು ಸ್ಫೋಟಗೊಳ್ಳಬಹುದು ಎಂದು ಮೀರಾ ಕಿರುಚಿದಳು. ಆದರೆ ರಾಜೀವ್ ಕೇಳಿಸಿಕೊಳ್ಳುವ ಸ್ಥಿತಿಯಲ್ಲಿರಲಿಲ್ಲ. ಅವನ ಕಣ್ಣುಗಳ ಮುಂದೆ ನಕ್ಷತ್ರ ಪುಂಜಗಳು ವೇಗವಾಗಿ ಚಲಿಸುತ್ತಿದ್ದವು. ಒಂದು ಕ್ಷಣ ಅವನಿಗೆ ತನ್ನ ದೇಹದ ತೂಕವೇ ಇಲ್ಲವೆನಿಸಿತು.ರಾಜೀವ್ ಕಣ್ಣು ಬಿಟ್ಟಾಗ ಲ್ಯಾಬ್ ಸಂಪೂರ್ಣವಾಗಿ ಧೂಳು ಹಿಡಿದಿತ್ತು. ಕಿಟಕಿಗಳ ಗಾಜು ಒಡೆದಿತ್ತು. ಗೋಡೆಯ ಮೇಲೆ ದೊಡ್ಡ ಅಕ್ಷರಗಳಲ್ಲಿ ಸಮಯವು ಒಂದು ಸುಳ್ಳು ಎಂದು ಬರೆಯಲಾಗಿತ್ತು. ಅವನು ಹೊರಬಂದು ನೋಡಿದಾಗ ಅವನಿಗೆ ಆಘಾತ ಕಾದಿತ್ತು. ಬೆಂಗಳೂರು ನಗರವು ಒಂದು ಸುಧಾರಿತ ತಂತ್ರಜ್ಞಾನದ ಕಾಡಿನಂತೆ ಮಾರ್ಪಟ್ಟಿತ್ತು. ಅತೀ ಎತ್ತರದ ಕಟ್ಟಡಗಳು ಮೋಡಗಳನ್ನು ಮುಟ್ಟುತ್ತಿದ್ದವು, ಆದರೆ ಅಲ್ಲಿ ಯಾವುದೇ ಪ್ರಾಣಿ ಅಥವಾ ಹಕ್ಕಿಗಳ ಸದ್ದಿರಲಿಲ್ಲ.
ಅವನು ರಸ್ತೆಗೆ ಇಳಿದಾಗ ಜನರು ಯಾಂತ್ರಿಕವಾಗಿ ಓಡಾಡುತ್ತಿದ್ದರು. ಅವರ ಕಣ್ಣುಗಳಲ್ಲಿ ಜೀವಕಳೆ ಇರಲಿಲ್ಲ. ಪ್ರತಿಯೊಬ್ಬರ ಕುತ್ತಿಗೆಯ ಹಿಂಭಾಗದಲ್ಲಿ ಒಂದು ಚಿಪ್ ಅಳವಡಿಸಲಾಗಿತ್ತು. ಇದ್ದಕ್ಕಿದ್ದಂತೆ ದೊಡ್ಡ ಪರದೆಯ ಮೇಲೆ ಒಂದು ಮುಖ ಕಾಣಿಸಿಕೊಂಡಿತು. ಅದು ರಾಜೀವ್ ನದ್ದೇ ಮುಖ ಆದರೆ ಆ ಮುಖದಲ್ಲಿ ಕ್ರೌರ್ಯವಿತ್ತು.
ಹಲೋ ರಾಜೀವ್, ನೀನು ನಿನ್ನದೇ ಸೃಷ್ಟಿಯೊಳಗೆ ಬಂದಿದ್ದೀಯ ಎಂದು ಆ ಪರದೆಯ ಮೇಲಿದ್ದ ಭವಿಷ್ಯದ ರಾಜೀವ್ ಮಾತಾಡಲಾರಂಭಿಸಿದ. ರಾಜೀವ್ ಗಾಬರಿಯಿಂದ ಹಳೆಯ ಲ್ಯಾಬ್ನತ್ತ ಓಡಿದ. ಅಲ್ಲಿ ಅವನಿಗೆ ವೃದ್ಧನಂತಾಗಿದ್ದ ತನ್ನದೇ ಪ್ರತಿರೂಪ ಸಿಕ್ಕಿತು.
ನೀನು ಯಾರು? ಇದು ಯಾವ ವರ್ಷ? ರಾಜೀವ್ ಕೇಳಿದ.
ವೃದ್ಧ ರಾಜೀವ್ ಉತ್ತರಿಸಿದ ಇದು 2036 ನೀನು ಯಶಸ್ವಿಯಾದೆ ರಾಜೀವ್. ನೀನು ಮನುಷ್ಯನ ನೆನಪುಗಳನ್ನು ಮ್ಯಾನಿಪುಲೇಟ್ ಮಾಡುವ ತಂತ್ರಜ್ಞಾನ ಕಂಡುಹಿಡಿದೆ. ಆದರೆ ಅದರ ಪರಿಣಾಮವಾಗಿ ಮನುಷ್ಯರು ಸ್ವಂತ ಆಲೋಚನಾ ಶಕ್ತಿಯನ್ನು ಕಳೆದುಕೊಂಡಿದ್ದಾರೆ. ನೀನು ಈಗ ನೋಡುತ್ತಿರುವುದು ವಿಜ್ಞಾನದ ಗೆಲುವಲ್ಲ, ಮನುಷ್ಯತ್ವದ ಸೋಲು. ರಾಜೀವ್ ವಾದಿಸಿದ, ಇದು ಸಾಧ್ಯವಿಲ್ಲ, ವಿಜ್ಞಾನದ ನಿಯಮದಂತೆ ನಾನು ಇಲ್ಲಿಗೆ ಬಂದಿದ್ದರೆ, ನನ್ನ ವರ್ತಮಾನದ ದೇಹಕ್ಕೆ ಏನಾಗಿದೆ? ವೃದ್ಧ ನಕ್ಕನು, ಇಲ್ಲಿಯೇ ವಿಜ್ಞಾನಕ್ಕೂ ಮಿಂಚಿನ ಸಂಚಾರಕ್ಕೂ ವ್ಯತ್ಯಾಸವಿರುವುದು. ನೀನು ಭೌತಿಕವಾಗಿ ಬಂದಿಲ್ಲ. ನಿನ್ನ ಮೆದುಳಿನ ಸಿನ್ಯಾಪ್ಸ್ ಗಳು ಈ ಕಾಲದ ಫ್ರೀಕ್ವೆನ್ಸಿಗೆ ಟ್ಯೂನ್ ಆಗಿವೆ. ನೀನು ಈಗ ಒಂದು ಲಿವಿಂಗ್ ಸಿಮ್ಯುಲೇಶನ್ (ಜೀವಂತ ಭ್ರಮೆ) ನಲ್ಲಿದ್ದೀಯ. ನಿನ್ನ ದೇಹ 2026ರಲ್ಲಿ ಕೋಮಾದಲ್ಲಿದೆ. ನಿನ್ನ ಮೆದುಳು ಈ ಭವಿಷ್ಯವನ್ನು ನಿಜವೆಂದು ನಂಬಿದರೆ, ನಿನ್ನ ವರ್ತಮಾನದ ಹೃದಯ ಬಡಿತ ನಿಂತುಹೋಗುತ್ತದೆ.
ನಾನು ಹಿಂತಿರುಗುವುದು ಹೇಗೆ? ರಾಜೀವ್ ಹತಾಶೆಯಿಂದ ಕೇಳಿದ. ವೃದ್ಧ ರಾಜೀವ್ ವಿವರಿಸಿದ, ನೀನು ಈ ಪ್ರಪಂಚದಲ್ಲಿ ಒಂದು ಕ್ವಾಂಟಮ್ ಪ್ಯಾರಾಡಾಕ್ಸ್ ಸೃಷ್ಟಿಸಬೇಕು. ಅಂದರೆ, ಇತಿಹಾಸದಲ್ಲಿ ನಡೆಯದ ಘಟನೆಯೊಂದನ್ನು ನೀನು ಇಲ್ಲಿ ನಡೆಸಬೇಕು. ಈ ಜಗತ್ತಿನ ಕೇಂದ್ರ ಬಿಂದು ಕ್ರೋನೋಸ್ ಟವರ್ ಅಲ್ಲಿಗೆ ಹೋಗಿ ಈ ಜಗತ್ತಿನ ಮೂಲ ಡೇಟಾವನ್ನು ಅಳಿಸಿಹಾಕು. ಆದರೆ ನೆನಪಿಡು, ನೀನು ಡೇಟಾ ಅಳಿಸಿದರೆ ಈ ಹತ್ತು ವರ್ಷಗಳ ಅನುಭವ ನಿನ್ನ ಮೆದುಳಿನಿಂದ ಅಳಿಸಿಹೋಗುತ್ತದೆ. ನೀನು ಯಾರು ಎಂಬುದು ನಿನಗೇ ಮರೆತುಹೋಗಬಹುದು. ರಾಜೀವ್ ಕ್ರೋನೋಸ್ ಟವರ್ ಕಡೆಗೆ ಪ್ರಯಾಣ ಬೆಳೆಸಿದ. ಅಲ್ಲಿನ ರೋಬೋಟ್ ಸೈನಿಕರು ಅವನನ್ನು ಸುತ್ತುವರಿದರು. ಇದು ವಿಜ್ಞಾನವೋ ಅಥವಾ ಅವನ ಮನಸ್ಸಿನ ಭಯವೋ ಎಂಬುದು ಅವನಿಗೆ ತಿಳಿಯುತ್ತಿರಲಿಲ್ಲ. ಅವನ ಕೈಯಲ್ಲಿದ್ದ ಲೇಸರ್ ಗನ್ನಿಂದ ಅವನು ಪ್ರತಿರೋಧ ತೋರುತ್ತಾ ಮೇಲಿನ ಮಹಡಿಗೆ ತಲುಪಿದ. ಟವರ್ನ ಮೇಲ್ಭಾಗದಲ್ಲಿ ಪ್ರಬಲವಾದ ನೀಲಿ ಬೆಳಕು ಆಕಾಶಕ್ಕೆ ಚಿಮ್ಮುತ್ತಿತ್ತು. ಅದೇ ಈ ಇಡೀ ಪ್ರಪಂಚದ ನಿಯಂತ್ರಣ ಕೇಂದ್ರ. ಆರ್ಯನ್ ತನ್ನ ಪಾಸ್ವರ್ಡ್ ಬಳಸಿ ಸಿಸ್ಟಮ್ ಒಳಗೆ ಪ್ರವೇಶಿಸಿದ. ಪರದೆಯ ಮೇಲೆ DELETE ALL DATA ಎಂಬ ಆಯ್ಕೆ ಇತ್ತು. ಕೈ ಬೆರಳುಗಳು ನಡುಗುತ್ತಿದ್ದವು. ಒಂದು ವೇಳೆ ಇದು ನಿಜವಾದ ಭವಿಷ್ಯವಾಗಿದ್ದರೆ? ನಾನು ಇದನ್ನು ಅಳಿಸಿದರೆ ಕೋಟ್ಯಂತರ ಜನರ ಜೀವಕ್ಕೆ ತೊಂದರೆಯಾಗುವುದೇ? ಅಥವಾ ಇದು ಕೇವಲ ನನ್ನ ಮೆದುಳಿನ ಸೃಷ್ಟಿಯೇ?
ಇದ್ದಕ್ಕಿದ್ದಂತೆ ಅವನ ಕಿವಿಯಲ್ಲಿ ಅವನ ತಂದೆಯ ಧ್ವನಿ ಕೇಳಿಸಿತು. ಮಗನೇ, ವಿಜ್ಞಾನವು ಸತ್ಯದ ಹುಡುಕಾಟವೇ ಹೊರತು ಸತ್ಯದ ಸೃಷ್ಟಿಯಲ್ಲ. ನಿನ್ನ ಹಾದಿ ತಪ್ಪಿದೆ.
ರಾಜೀವ್ ನಿರ್ಧರಿಸಿದ. ಅವನು DELETE ಬಟನ್ ಒತ್ತಿದ. ತಕ್ಷಣವೇ ಇಡೀ ಜಗತ್ತು ಪಿಕ್ಸೆಲ್ಗಳಾಗಿ ಒಡೆದು ಹೋಗಲಾರಂಭಿಸಿತು. ಆಕಾಶವು ಕಪ್ಪು ಬಣ್ಣಕ್ಕೆ ತಿರುಗಿತು. ವೃದ್ಧ ರಾಜೀವ್ ಮಾಯವಾದನು. ರಾಜೀವ್ ಗೆ ತಾನು ಶೂನ್ಯದಲ್ಲಿ ಬಿದ್ದಂತೆ ಅನುಭವಿಸಿದನು. ರಾಜೀವ್ ಕಣ್ಣು ಬಿಟ್ಟಾಗ ಅವನ ಸುತ್ತ ಮೀಲಾ ಮತ್ತು ಇತರ ವೈದ್ಯರಿದ್ದರು.
ಸರ್, ನೀವು ಬದುಕ್ಕಿದ್ದೀರಿ ಕಳೆದ 24 ಗಂಟೆಗಳಿಂದ ನಿಮ್ಮ ಮೆದುಳಿನ ಚಟುವಟಿಕೆ ಸಂಪೂರ್ಣ ಸ್ತಬ್ಧವಾಗಿತ್ತು ಎಂದು ಮೀರಾ ಅಳುತ್ತಾ ಹೇಳಿದಳು. ರಾಜೀವ್ ನಿಧಾನವಾಗಿ ಎದ್ದು ಕುಳಿತ. ಎಲ್ಲವೂ ಮೊದಲಿನಂತೆಯೇ ಇತ್ತು. ತಾನು ಕಂಡದ್ದು ಕೇವಲ ಕನಸು ಅಥವಾ ಪ್ರಯೋಗದ ಸೈಡ್ ಎಫೆಕ್ಟ್ ಎಂದು ಅವನು ಸಮಾಧಾನ ಮಾಡಿಕೊಂಡ. ಅವನು ತನ್ನ ಕೈಯನ್ನು ನೋಡಿಕೊಂಡಾಗ ಅಲ್ಲಿ ಒಂದು ಸಣ್ಣ ಗಾಯದ ಗುರುತಿತ್ತು. ಇದು ಭವಿಷ್ಯದಲ್ಲಿ ರೋಬೋಟ್ ಅಟ್ಯಾಕ್ ಮಾಡಿದಾಗ ಆದ ಗಾಯ.ಅವನು ಗಾಬರಿಯಿಂದ ಕಿಟಕಿಯ ಹೊರಗೆ ನೋಡಿದ. ಬೆಂಗಳೂರಿನ ರಸ್ತೆಗಳು ಮೊದಲಿನಂತೆಯೇ ಇದ್ದವು. ಆದರೆ ದೂರದ ಬೆಟ್ಟದ ಮೇಲೆ ಅವನಿಗೆ ಒಂದು ಬೃಹತ್ ಟವರ್ ಕಾಣಿಸಿತು. ಅದೇ ಕ್ರೋನೋಸ್ ಟವರ್ ಇದು ಅವನು ಭವಿಷ್ಯದಲ್ಲಿ ನೋಡಿದ್ದ ಟವರ್. ಅವನು ಮೀರಾಳನ್ನು ಕೇಳಿದ, ಆ ಬೆಟ್ಟದ ಮೇಲಿರುವ ಟವರ್ ಯಾವಾಗ ಕಟ್ಟಿದರು?ಮೀರಾ ಆಶ್ಚರ್ಯದಿಂದ ನೋಡಿದಳು, ಯಾವ ಟವರ್ ಸರ್? ಅಲ್ಲಿ ಬರಿ ಕಾಡಿದೆ ಅಷ್ಟೇ.ರಾಜೀವ್ ಗೆ ಬೆವತು ಹೋಯಿತು. ತಾನು ಕಂಡ ಟವರ್ ಬೇರೆಯವರಿಗೆ ಕಾಣುತ್ತಿಲ್ಲ. ಅಂದರೆ ಅವನ ಮೆದುಳು ಈಗ ಎರಡು ವಿಭಿನ್ನ ಕಾಲಘಟ್ಟಗಳನ್ನು ಏಕಕಾಲದಲ್ಲಿ ನೋಡುತ್ತಿತ್ತು. ಅವನು ವರ್ತಮಾನಕ್ಕೆ ಮರಳಿದ್ದನೋ ಅಥವಾ ಅವನ ಪ್ರಜ್ಞೆಯು ಎರಡು ಜಗತ್ತುಗಳ ನಡುವೆ ಸೀಳಲ್ಪಟ್ಟಿದ್ದೋ? ರಾಜೀವ್ ತನ್ನ ಡೈರಿಯನ್ನು ತೆಗೆದು ಏನನ್ನೋ ಬರೆಯಲು ಹೋದ. ಆದರೆ ಅವನು ಬರೆಯುತ್ತಿದ್ದ ಅಕ್ಷರಗಳು ಅವನಿಗೆ ತಿಳಿಯದ ಭಾಷೆಯಲ್ಲಿದ್ದವು. ಕನ್ನಡಿಯ ಮುಂದೆ ನಿಂತಾಗ ಅವನ ಬಿಂಬವು ಅವನಿಗಿಂತ ಎರಡು ಸೆಕೆಂಡ್ ತಡವಾಗಿ ಚಲಿಸುತ್ತಿತ್ತು.ವಿಜ್ಞಾನವು ಒಂದು ಉತ್ತರ ನೀಡಿದರೆ, ಪ್ರಕೃತಿ ಹತ್ತು ಪ್ರಶ್ನೆಗಳನ್ನು ಮುಂದಿಟ್ಟಿತ್ತು. ರಾಜೀವ್ ಈಗ ವಿಜ್ಞಾನಿಯಲ್ಲ, ಬದಲಿಗೆ ಕಾಲದ ಸೆರೆಯಲ್ಲಿ ಸಿಕ್ಕಿಬಿದ್ದ ಒಬ್ಬ ಘೋಸ್ಟ್ ಪಾರ್ಟಿಕಲ್.
